កំពង់ស្ពឺ៖សមត្ថកិច្ចឃាត់ខ្លួនជនសង្ស័យម្នាក់ពាក់ព័ន្ឋធ្វើសកម្មភាពពួនស្ទាក់យកកាំបិនចាំកាប់យកម៉ូតូ នៅតាមផ្លូវលំ ស្ថិតក្នុងភូមិច្រកព្រាល ឃុំភក្តី ស្រុកបសេដ្ឋ ខេត្តកំពង់ស្ពឺកាលពីយប់ថ្ងៃទី៨ខែមេសាឆ្នាំ២០២៤។
លោកវរះសេនីយ៍ឯក ចន សុភិត អធិការដ្ឋាននគរបាលស្រុកបសេដ្ឋបានឲ្យដឹងថា ជនសង្ស័យដែលឃាត់ខ្លួនបាននេះមានឈ្មោះ សៅ ជាតិ ភេទប្រុសអាយុ២៧ឆ្នាំរស់ភូមិព្រែអញ្ចាញ ឃុំព្រែអញ្ចាញ ស្រុកពញាឮ ខេត្តកណ្តាលបានយកកាំបិតផ្គាក់ដងឬស្សីស្ទាក់ចំកាប់ប្លន់យកម៉ូតូ ពីជនរងគ្រោះឈ្មោះ ភួង សីហៀក ភេទប្រុស អាយុ១៧ឆ្នាំ រស់នៅភូមិត្រពាំងលៀប ឃុំផុង ស្រុកបសេដ្ឋ ខេត្តកំពង់ស្ពឺ។
ពេលកំពុងជិះម៉ូតូម៉ាកហុងដាC125 ពណ៌ខ្មៅ សេរីឆ្នាំ២០២០ ស្លាកលេខ ភ្នំពេញ 1HY 4590ចេញពីចំការលុះដល់ចំណុចកើតហេតុស្រាប់តែជនសង្ស័យបានទាញកាំបិតផ្កាកកាប់ជនរងគ្រោះ(ភួង សីហៀក) បណ្តាលអោយចំដៃខាងឆ្វេងមានស្នាមឈ្នូតក្រហមរួចបានយកម៉ូតូជនរងគ្រោះជិះគេចខ្លួនបាត់ ។
លោកបានបន្តទៀតថា ភ្លាមៗជនរងគ្រោះបានទូរស័ព្ទទៅបងប្អូនសាច់ញាតិធ្វើការស្ទាក់ឃាត់ខ្លួនជនសង្ស័យខាងលើភ្លាមៗ និងបានប្រគល់ជូនសមត្ថកិច្ចចាត់ការតាមនីតិវិធី ចំណែកបក្ខពួកមួយនាក់ទៀតមិនស្គាល់អត្តសញ្ញាណបានជិះម៉ូតូគេចខ្លួនបាត់ ។
វត្ថតាងបន្សល់ទុកមានម៉ូតូជនរងគ្រោះនិងវត្ថុតាងធ្វើសកម្មភាពកាំបិតផ្កាកមួយដើម។
បច្ចុប្បន្នកម្លាំងជំនាញព្រហ្មទណ្ឌបានសហការជាមួយប៉ុស្តិ៍ភក្តីកំពុងកសាងសំណុំរឿងចាត់ការតាមនីតិវិធី និងបន្តរស្រាវជ្រាវរកបក្ខពួកជនសង្ស័យម្នាក់៕ដោយ÷ចន្ទ លីហ្សា
