ខេត្តកំពង់ស្ពឺ៖ ស្នងការដ្ឋាននគរបាលខេត្ដកំពង់ស្ពឺ នៅព្រឹកថ្ងៃសៅរ៍ទី២៣ ខែវិច្ឆិកា ឆ្នាំ២០២៤នេះ បានឱ្យដឹងថា កម្លាំងសមត្ថកិច្ចនគរបាលខេត្ត បានចុះស្រាវជ្រាវឃាត់មុខសញ្ញាក្មេងទំនើង២នាក់ តាមរយៈគណនីហ្វេសប៊ុកមួយបានបង្ហោះ អំពីសកម្មភាពក្មេងទំនើងដែលថតរូបបង្អួតកាំបិតផ្គាក់និយាយគំរាមដល់ភាគីម្ខាងទៀតថាហ្អែងស្គាល់អញអ្នកចំបក់ យកមកសាកសួររហូតបញ្ចប់នីតិវិធី បានបង្ហាញមុខជាសាធារណៈ មុននិងបញ្ជូនខ្លួនទៅសាលាដំបូងខេត្ត ដើម្បីចាត់ការតាមច្បាប់។
ប្រភពដដែលបន្តថា ដោយទទួលបញ្ជាពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ កាលពីថ្ងៃទី២០ ខែវិច្ឆិកា ឆ្នាំ២០២៤ថ្មីៗនេះ កម្លាំងនគរបាលព្រហ្មទណ្ឌ អធិការដ្ឋាននគរបាលស្រុកសំរោងទង បានកំណត់មុខសញ្ញាក្មេងទំនើងនិងបន្ដសហការឃាត់ ៖
១/ឈ្មោះ ជៃ រក្សា ភេទប្រុស អាយុ ១៨ឆ្នាំ អ្នកកាន់កាំបិតផ្គាក់
២/ឈ្មោះ អំ វ៉ាស៊ុ ភេទប្រុស អាយុ ១៧ឆ្នាំ អ្នកឈរនិយាយពីក្រោយ ទាំង ២នាក់រស់នៅភូមិចំបក់ ឃុំវល្លិសរ ស្រុកសំរោងទង ។
ក្រោយសាកសួរបានឆ្លើយសារភាពថាខ្លួនពិតជាបានឈរកាន់កាំបិតផ្គាក់និយាយគំរាមទៅលេីក្មេងនៅភូមិប្រាកដមែន មូលហេតុមានទំនាស់ពាក្យសំដីគ្នា។ ដោយថតជាវីដេអូ កាលពីថ្ងៃទី ១៨ ខែវិច្ឆិកា ឆ្នាំ២០២៤ ផ្ញើរចូលគ្រុបMassenger រួចមានគេយកទៅបង្ហោះចែកចាយបន្ដ។
ក្នុងប្រតិបត្តិការនោះ កម្លាំងសមត្ថកិច្ចដកហូតកាំបិតផ្គាក់ ០១ដើម ។
បច្ចុប្បន្នសមត្ថកិច្ចកំពុងឃាត់ខ្លួនបណ្ដោះនៅស្នងការដ្ឋាននគរបាលខេត្ដ ដើម្បីបន្តនីតិវិធីច្បាច្បា
ប់៕
