ឧកញ៉ា ឈិន កេន ទទួលសញ្ញាប័ត្រ «បណ្ឌិតផ្នែកគ្រប់គ្រង» ពីសាលា Universal ministries of the kingdom’s College , រដ្ឋ California, សហរដ្ឋអាមេរិក
ភ្នំពេញ៖ ជាការពិតណាស់លោកឧកញ៉ា ឈិន កេន ជាកុលបុត្រខ្មែរ ហើយក៍ជាកូនកសិករមួយរូបមកពី ស្រុកព្រៃកប្បាស ខេត្តតាកែវ ដែលបានខិតខំប្រឹងប្រែងតស៊ូរព្យាយាមយកអស់កម្លាំងកាយចិត្តនិងបានជម្នះរាល់ឧបសគ្គរហូតទទួលបានសញ្ញាប័ត្រ «បណ្ឌិតផ្នែកគ្រប់គ្រង» ពីសាលា Universal ministries of the kingdom’s College , រដ្ឋ California, សហរដ្ឋអាមេរិច ដែលជាមោទនភាពរបស់ប្រទេសកម្ពុជា។
បណ្ឌិតផ្នែកគ្រប់គ្រង លោកឧកញ៉ា ឈិន កេន ក៏បានថ្លែងអំណរគុណយ៉ាងជ្រាលជ្រៅចំពោះក្រុមប្រឹក្សាសាលា Universal ministries of the kingdom’s College , រដ្ឋ California, សហរដ្ឋអាមេរិច គណៈគ្រប់គ្រង សាស្ត្រាចារ្យ និងតំណាងនិស្សិតនៃសាលាផងដែរ។
លោកឧកញ៉ា ឈិន កេន បានថ្លែងថា ជាការពិតមោទនភាពដែលលោកមាននៅពេលនេះ គឺជាមោទនភាពយ៉ាងក្រៃលែងក្នុងនាមលោកជាកូនកសិករ មួយរូប ពីព្រោះការខិតខំប្រឹង ប្រែងរបស់លោក គឺដើម្បីបុព្វហេតុខ្លួនឯង ក្រុមគ្រួសារ និងសង្គមជាតិ។ ជាពិសេសលោកមានឱកាសចូលរួមថែរក្សា និងការពារសុខសន្តិភាពដែលកំពុងមានជាមួយរាជរដ្ឋាភិបាលដែលកំពុងដឹកនាំគណបក្សប្រជាជនកម្ពុជាដែលមានសម្ដេចតេជោ ហ៊ុន សែន ជាប្រធាននិងជានាយករដ្ឋមន្ត្រី ដើម្បីធ្វើកាអភិវឌ្ឍប្រទេសជាតិឱ្យកាន់តែរីកចម្រើនលើគ្រប់វិស័យជារៀងរហូត។
គួរជម្រាបជូនថា លោកឧកញ៉ាបណ្ឌិត ឈិន កេន ជាអគ្គនាយកក្រុមហ៊ុន អេ អេ ភី គ្រុប និងមានក្រុមហ៊ុនសម្ព័នមួយចំនួនទៀតក្រោមដឹកនាំរបស់លោក។
សូមលើកយកពីប្រវត្តិនៃការសិក្សារបស់លោកឧកញ៉ាបណ្ឌិត ឈិន កេន ដូចខាងក្រោមនេះ៖
*នៅឆ្នាំ១៩៩៩ សញ្ញាប័ត្រមធ្យមសិក្សាទុតិយភូមិ នៅវិទ្យាល័យទួលទំពូង និងបានចូលរៀនកម្មវិធីភាសារអង់គ្លេសទូទៅនូវមជ្ឈមណ្ឌលអូស្រ្ដាលី សម្រាប់ការបណ្ដុះបណ្ដាល (ACE)
*នៅឆ្នាំ២០០១ បានបញ្ចប់សញ្ញាប័ត្រជាន់ខ្ពស់ផ្នែកទីផ្សារនិងការគ្រប់គ្រងពាណិជ្ចកម្ម ពីអង្គការ CYVO
*នៅឆ្នាំ២០០៤ បានបញ្ចប់បរិញ្ញាបត្រពីជំនាញគ្រប់គ្រងអាជីវកម្មនៅសាកលវិទ្យាល័យបៀលប្រាយ (BBU)
*នៅឆ្នាំ២០២០ បានបញ្ចប់ថ្នាក់អនុបណ្ឌិតធុរៈកិច្ចពាណិជ្ចកម្មនៅសហរដ្ឋអាមេរិច
*នៅឆ្នាំ២០២៣ បានបញ្ចប់ថ្នាក់បណ្ឌិត ផ្នែកគ្រប់គ្រងនៅសហរដ្ឋអាមេរិច៕
