ចំណេះដឹង ៖ ការក្អកមានតួនាទីសម្អាតភាពសារធាតុដែលបណ្តាលឱ្យរលាក ឬការឆ្លងមេរោគចេញពីរាងកាយ ឬភាពមិនស្រួលផ្សេងទៀតដល់រាងកាយ ប៉ុន្តែការក្អកជាប់រហូត អាចជាការរំខានទៅវិញ។ ខាងក្រោមនេះនឹងប្រាប់អ្នកអំពីឱសថបុរាណព្យាបាលដ៏ល្អបំផុតសម្រាប់បំបាត់ការក្អក។
១. ទឹកឃ្មុំ៖ យោងតាមការស្រាវជ្រាវ ទឹកឃ្មុំដែលដើរតួនាទីយូរអង្វែងក្នុងឱសថបុរាណ អាចបំបាត់ការក្អក។
២. ខ្ញី៖ ខ្ញីអាចបន្ថយការក្អកស្ងួត ឬហឺត ព្រោះវាមានលក្ខណៈសម្បត្តិប្រឆាំងនឹងការរលាក។ វាក៏អាចបំបាត់ការចង្អោ រនិងការឈឺចាប់ផងដែរ។
៣. វត្ថុរាវក្ដៅ៖ ភេសជ្ជៈក្ដៅជួយបន្ថយរោគសញ្ញាឈឺបំពង់ក ញាក់ និងអស់កម្លាំង។
៤. ប្រូបាយអូទិក៖ ប្រូបាយអូទិកមិនជួយសម្រាលការក្អកដោយផ្ទាល់ទេ ប៉ុន្តែពួកវាអាចបង្កើនប្រព័ន្ធភាពស៊ាំធ្វើឱ្យមានតុល្យភាពបាក់តេរីនៅក្នុងពោះវៀន។ ប្រព័ន្ធភាពស៊ាំដែលមានសុខភាពល្អអាចជួយប្រឆាំងនឹងការឆ្លងមេរោគដែលអាចបណ្តាលឱ្យក្អក។
គន្លឹះដើម្បីជួយការពារជំងឺផ្តាសាយ៖ វាមិនតែងតែអាចធ្វើទៅបានដើម្បីជៀសវាងការផ្តាសាយ ឬការឆ្លងមេរោគផ្លូវដង្ហើមផ្សេងទៀតដែលអាចនាំឱ្យក្អកនោះទេ ប៉ុន្តែគន្លឹះខាងក្រោមអាចកាត់បន្ថយហានិភ័យ។
១) ជៀសវាងការទាក់ទងជាមួយអ្នកដែលមានជំងឺ៖ មនុស្សម្នាក់គួរតែរក្សាចម្ងាយសុវត្ថិភាពពីអ្នកដែលមានជំងឺផ្តាសាយ ឬក្អក។
២) លាងដៃជាប្រចាំ៖ មនុស្សម្នាក់គួរតែប្រើសាប៊ូ និងទឹកក្ដៅឧណ្ហៗ ដើម្បីកម្ចាត់បាក់តេរី និងមេរោគចេញពីស្បែក។
៣) ការប្រើប្រាស់ថ្នាំសម្លាប់មេរោគ៖ នៅពេលដែលសមាជិកគ្រួសារឈឺ គួរតែសម្អាតផ្ទះបាយ និងបន្ទប់ទឹកឱ្យបានទៀងទាត់ជាមួយនឹងថ្នាំសម្លាប់មេរោគ ហើយបោកខោអាវ កន្សែង និងប្រដាប់ក្មេងលេង ដោយទឹកក្ដៅឧណ្ហៗ។
៤) ផឹកទឹកឲ្យបានច្រើន៖ គួរតែប្រាកដថាផឹកទឹកឱ្យបានគ្រប់គ្រាន់ តែរុក្ខជាតិ និងភេសជ្ជៈផ្សេងទៀត ដើម្បីជួយការពារការខ្សោះជាតិទឹក។
៥) ធ្វើលំហាត់ប្រាណ៖ ស្ត្រេសប៉ះពាល់ដល់ប្រព័ន្ធការពាររាងកាយ និងបង្កើនហានិភ័យនៃការឈឺ។ ដើម្បីកាត់បន្ថយភាពតានតឹង មនុស្សម្នាក់អាចធ្វើលំហាត់ប្រាណជាទៀងទាត់ ធ្វើសមាធិ ដកដង្ហើមជ្រៅៗ និងសាកល្បងបច្ចេកទេសបន្ធូរសាច់ដុំ។
៦) ការគេងឱ្យបានគ្រប់គ្រាន់៖ គួរគេងឱ្យបាន ៧-៩ម៉ោង រៀងរាល់យប់។
៧) លេបថ្នាំបំប៉នពង្រឹងប្រព័ន្ធភាពស៊ាំ៖ មនុស្សម្នាក់អាចពិចារណាលេបថ្នាំស័ង្កសី វីតាមីន C និងប្រូបាយអូទិកក្នុងអំឡុងពេលរដូវត្រជាក់ និងផ្តាសាយ ដើម្បីបង្កើនប្រព័ន្ធភាពស៊ាំរបស់ពួកគេ។ មុនពេលចាប់ផ្តើមថ្នាំគ្រាប់ថ្មី គួរតែពិភាក្សាជាមួយវេជ្ជបណ្ឌិតសិន៕ medicalnewstoday
