ក្រុងទីមូស្គូ៖ សហរដ្ឋអាមេរិក ប្រថុយប្រថានក្នុងការប៉ះទង្គិចខាងយោធាដោយផ្ទាល់ ជាមួយរុស្ស៊ី

បរទេស ៖ ស្ថានទូតរុស្ស៊ី ប្រចាំនៅសហរដ្ឋអាមេរិក បានព្រមានថា អាកប្បកិរិយារបស់ទីក្រុងវ៉ាស៊ីនតោន នៅលើឆាកពិភពលោក គឺប្រថុយនឹងជម្លោះដោយផ្ទាល់ រវាងរដ្ឋនុយក្លេអ៊ែរទាំងពីរ គឺរុស្ស៊ី និងអាមេរិក។

យោងតាមសារព័ត៌មាន RT ចេញផ្សាយនៅថ្ងៃទី១៦ ខែសីហា ឆ្នាំ២០២២ បានឱ្យដឹងថា ស្ថានទូតបាននិយាយ នៅក្នុងសេចក្តីថ្លែងការណ៍មួយ នៅលើបណ្តាញ Telegram របស់ខ្លួនថា “ថ្ងៃនេះ សហរដ្ឋអាមេរិក នៅតែបន្តធ្វើសកម្មភាព ដោយមិនគិតពីសន្តិសុខ និងផលប្រយោជន៍របស់ប្រទេសដទៃ ដែលរួមចំណែកដល់ការកើនឡើង នៃហានិភ័យនៃការប្រើអាវុធនុយក្លេអ៊ែរ”។

ជំហាន [របស់សហរដ្ឋអាមេរិក] ដើម្បីចូលរួមបន្ថែមទៀត នៅក្នុងការប្រឈមមុខដាក់គ្នាជាមួយរុស្ស៊ី នៅក្នុងបរិបទនៃវិបត្តិអ៊ុយក្រែន គឺពោរពេញដោយការកើនឡើង ដែលមិនអាចទាយទុកជាមុនបាន និងការប៉ះទង្គិចគ្នាដោយយោធាដោយផ្ទាល់ នៃមហាអំណាចដែលមាននុយក្លេអ៊ែរ។

ស្ថានទូតបានកត់សម្គាល់ថា ថ្មីៗនេះទីក្រុងវ៉ាស៊ីនតោន បានដកខ្លួនចេញពីកិច្ចព្រមព្រៀង គ្រប់គ្រងអាវុធសំខាន់ៗចំនួនពីរគឺ សន្ធិសញ្ញាកងកម្លាំងនុយក្លេអ៊ែរ កម្រិតមធ្យមឆ្នាំ ១៩៨៧ ដែលបានហាមឃាត់ប្រភេទមួយចំនួន នៃកាំជ្រួចនៅលើដី និងសន្ធិសញ្ញា ស្តីពីការបើកចំហរមេឃឆ្នាំ ១៩៩២ ដែលអនុញ្ញាត ឱ្យមានការហោះហើរឃ្លាំមើល លើទឹកដីគ្នាទៅវិញទៅមក៕

Leave a Reply

Your email address will not be published. Required fields are marked *